قازاق ينتەرنەت تەلەۆيزياسى

باقىتتى ۇرلاۋعا بولمايدى

رەداكتور : تىلەۋبەك | قاينارى : جۇڭگو قازاق راديو تورابى | ۋاقىتى : 02-07-2015 11:54





 ول بۇل وتباسىنداعىلاردى دۇنيەدەگى ەڭ باقىتتى جاندار دەپ ويلايدى، سەبەبى ولاردا اقشا بار، اقشا بار بولعاندىقتان ساۋلەتتى ۇيدە تۇرادى، اقشا بار بولعاندىقتان اتاقتى ماشينا ايدايدى، اقشا بار بولعاندىقتان بارلىق نارسەگە قول جەتكىزە الادى.


    بۇل ونىڭ تۇڭعىش رەت سەمياعا توناۋشىلىققا ءتۇسۋى. بايپاقپەن بەتىن بۇركەپ العان.


    ءۇي يەسى ەشبىر قارسىلىق بىلدىرمەدى. وتاعاسىنىڭ ايەلى مەن قىزى قورىققانىنان قالشىلداپ بۇرىشقا تىعىلىپ الىپتى. ول بەينە گەنەرالداي ايباتتانىپ، جەڭىسكە قول جەتكىزگەندەي ماساتتانادى.


    ءۇي يەسى جۋاستىقپەن اقشا جانە اقشاعا جارايتىن بۇيىمدارىن وعان تاپسىردى. ول اسىلىندە نارسەلەردى العان سوڭ دەرەۋ جولىنا تۇسەيىن دەگەن ەدى. ءبىراق ءۇي يەسىنىڭ ارەكەتى قالىپسىز سەزىلدى، بەينە قايىر–ساحابات قىلىپ جاتقان ادامداي پەيىلدى. ول پىشاعىن جالاڭداتىپ:


    _ بۇل نارسەلەردى الىپ كەتسەم ءىشىڭ اشىماي ما؟–دەدى. ءۇي يەسى:


    _ ءىشىم اشيدى. ءبىراق، ومىرىممەن سالىستىرعاندا تۇككە تۇرمايدى. قازىنا–مۇلىك ـــ زاتتىق دۇنيە، جوعالتساڭ قايتادان تولىقتاپ الۋعا بولادى. سوندىقتان سەنەن وتىنەرىم بىزگە تيسە كورمە، اقشا مەن مۇلىكتى الىپ كەتە بەر.


    بايپاقتىڭ ىشىندەگى بەت تىرجىڭ ەتتى، ول كرەسلوعا وتىرا قالىپ:


    _ ءاسىلى، سەن قورىققانىڭنان وسىلاي اعىڭنان اقتارىلعان ەكەنسىڭ دە؟


    ءۇي يەسى بايىپتىلىقپەن:


    _ جوق، مەن ولىمنەن قورىقپايمىن. بۇل ومىرگە دەگەن قۇرمەتىم. دۇنيەگە كەلگەن ءارقانداي تىرشىلىك يەسى مەنىڭ قۇرمەتتەۋىمە تاتيدى. ايەلىم، بالام، ءوزىم جانە سەن دە سونىڭ ىشىندەسىڭ.


    ول قارقىلداي كۇلىپ الىپ، ىزبارلانا:


    _ نەمەنە، مەنى دە قامتي ما؟ بۇل ءسوزىڭدى ءتۇسىندىرۋىڭ كەرەك، ويتپەگەندە، بۇگىن ءتۇن كەتەدى دەپ ويلاما.–دەدى.


    ءۇي يەسىنىڭ الپەتىنەن ەشقانداي تىكسىنۋ بايقالمايدى، كەرىسىنشە، ءتىپتى دە بايىپتىلىقپەن:


    _ مەن يۇڭچۇن جۇدىرىقشىلىعىن ۇيرەنگەنمىن، قولىڭدا پىشاق بولعانىمەن شىنداپ سىناسار بولساق، شالىمىما دا كەلمەيسىڭ. ءبىراق، سوعىسار بولساق بىرەۋىمىز جارالانامىز. البەتتە، ءوزىمنىڭ جارالانۋىمدى قالامايمىن، سونىمەن قوسا سەنىڭ دە جارالانۋىڭدى قالامايمىن.

مادەنيەت جانە ادەبيەت
تاڭدامالى باعدارلامالار كوپتەگەن